Immer wieder mal viel der Name Los Brudalos hier auf der Seite oder in der Sendung und den Landkreis machen die Burschen schon länger unsicher.
Wie schauts zukünftig aus und für welches „große“ Event sie sich qualifizieren können werden, das könnt ihr alles nachfolgend lesen. Also nur, wenn ihr dem bayrischen mächtig seid.
Taktiker: Woher kommt Ihr? Macht Ihr schon länger Musik oder entstanden Los Brudalos nur aus einer Partylaune heraus?
LosBrudalos: Servus. Mia san ausm Oberland, um genau zum sei aus Gmund, Reichersbeuern und Waakrichen. Also mia ham vorher scho Musik gmacht, aba ned genau in der Konstellation. LosBrudalos is ned aus na Partylaune raus entstanden, sondern weils koa boarische Alternative zua normalen Voixmusik gibt. Und mia denkn`, dass sie a Großteil der boarischen Jugend mit uns identifizieren ko, weil ma brudal san. Aba mia machan a vui Party, wos olle bestätigen kenna, de wo uns so moi beim Fuahrt geh seng.
Taktiker: Los Brudalos? Woher kommt der Name? Klingt ja fast wie LasBrasBanda.
LosBrudalos: Mia hattn mehrere Nama im Raum, wo olle eigentlich ned sonderlich zum Ernst nehma warn. Oana davo war eben LosBrudalos. Dann ham ma an dem Wochenende bei de spektakulären Upperland Games in Waakircha mit gmacht und da hod a Mannschaftsname her miasn. Dann ham ma mit unsane Spezin entschlossen, dass fia des Ereignis LosBrudalos sei soi. Ja, und weil der Name sehr männlich is, und sie im Suff guad blärn lasst is dabei bliem. Mia san also weda a mexikanische Gang, no ham ma uns wos vo LasBrasBanda obgschaut. De ham ma do no garn ned kennt.
Taktiker: Ich habe vor einiger Zeit mal von einem Videodreh auf der Waxlmoos-Alm gelesen. Ist das richtig?
LosBrudalos: Ja, des stimmt. Do woit ma ursprünlich a Video fia „OberlandEichaMassaka“ macha, wos dann aba aus Alkoholpegelgründen und weils dunkel war, nix mehr worn is…
Taktiker: Ihr rappt zumeist über bekannte (kommerziellere) Beats? Was ist da der Grund? Habt Ihr jemanden, der euch Beats baut? Oder machts ihr das zukünftig selber?
LosBrudalos: Ja meistens scho, weils a scheiß Arbad is guade Beats selber zum macha. Dann is a no lustig auf irgend an Tayo Cruz Beat drei Proleten blärn zum hern und da Mitgröhlfaktor is leichta zum erreicha. Mia machan des, unserer Meinung noch, a bessa wia de ;-). Da Schlugga baut Beats mit Logic, wia z.B. der Beat von „Brudal“. Der is komplett auf unsan Mist gwachsn. A baar hod a noch baut, wia „Bierzeltpogo“, oder „Sauf heid nacht“. Mia ham a scho Beats vo andere Beat-Bauern (Wortspiel) do, auf de ma in Zukunft no wos macha woin. Moi schaun.
Taktiker: Wie schauts bei euch mit den musikalische Vorbildern aus?
LosBrudalos: Na, mia ham koane direkten Vorbilder. Mia hern sowie so nua no uns selba. Na Schmarn I dat song mia wern indirekt vo der Musik inspiriert, de wo mia selber privat hern, dann aba vom Stil, ned wos de Themen ogäht.
Taktiker: Ist ein Nachfolger Mixtape geplant und wie läufts mitm aktuellen?
LosBruadols: I glab do sogt jeder Musiker imma des gleiche. Es is in Arbad. Also mia arbeitn wirklich scho dro, und a no an am Mixtape mit a baar Oberpfoiza (BBou, Freundlicher Falke). Unsa näxtes Mixtape werd den glorreichen Nama „Eat mei Beidl“ drong. Des mid de Oberpfoiza is auf August, September ausglegt. Unsas is terminlich no ned festlegbar. Ja, fia des das unsa Debüt war san ma recht zfrien. Es ham knapp 600 Leid runterglon. Des san hoid no de Feinschmecker!
Taktiker: Da war ich natürlich auch dabei. Wann gibts den nächsten Livegig und wie war die Party im Rocks Off?
LosBrudalos: Am 11.6.2011 is ja des Battle fia „Der Süden Bebt“, wo olle gern kemma kenna, um fia uns zum stimma. Ende Juli steht no wos in Rosenheim o, aba do gibts no koan genauen Termin. Sonst spui ma no auf Hochzeiten, Weinfesten, Geburtstagen und auf na Bar Mitzwa..
Im Rocks wars sau griabig. Warn vui guade Leid do, de wo a mitgsunga ham. Atmosphäre und as Thema ham a guad zu uns basst und ins Rocks geht ma doch imma gern! Es hod uns a überrascht, dass ma einige Fans ausm Metallbereich ham, oder Leid wos sonst koan HipHop hern, wos so eigentlich ned vui HipHopBands vo sich behaupten kenna. Oder?
Taktiker: Nicht viele können das. Was meint ihr, wie eure Chancen stehen im Juni?
LosBrudalos: Hmm is immer schwierig. Wir hoffen auf den Sieg, bei unserer Facebookveranstaltung ham 140 leute zuagsogt. Wia vui wirklich kemma, schau ma moi.
Taktiker: Na dann viel Erfolg und Danke fürs Gespräch.
LosBrudalos: Mia song Merci Mausi, danke an olle de uns unterstützn, und kemmts am 11.06. ins Gasthaus in Tölz um fia uns zu voten! Imme schee BRUDAL bleim.